文章分類: 香港是非 (是非之地)

耐人尋味的時事評論

trouble_place — Tue, 01 Dec 2009 17:41:00 +0800

日前閱讀某報一篇中文大學政治與行政學系高級導師所寫的時事評論，閱畢後心裡有種不暢快的感覺。不是那種意尤未盡的不暢快，而是覺得有點不對勁，卻說不出明白的那一種。反覆思考，終於理出了一點頭緒。

特區政府o既經濟效益

trouble_place — Fri, 18 Sep 2009 05:54:09 +0800

廣深港高鐵老早已經一搥定音，奉阿爺之名落實執行。咁起鐵路呢家野，無返三五百億當然無可能成事啦~!2008年，政府就話起呢條全長26公里o既香港段，造價要395億(講開又講，大陸o個面長104.6公里都只係需要$190億...究竟係物價真係低成10幾倍定係偷工減料減10幾倍呢~!?)。大拿拿成400億，每個香港人即係要拎$5700出o o黎起一條你一年都未必會坐一次o既鐵路...無野呀??

(閱讀全文)

局長特首我愛你~

trouble_place — Thu, 04 Dec 2008 03:11:00 +0800

雞蛋一直都話，香港o既高官係無得頂o既！佢地仲邊度有得頂jei~!?

你話佢地蠢~!?當連澳門彈丸之地都包度機o既時候，佢地又醒目o諗到大把藉口唔包機。又話泰國唔批航權，又話機場未必有位...嘩...一架機都無位??咩機呀~!?神州七號定係UFO呀~!?

你話佢地慢~!?一死人即刻包幾架機過去，快到你以為泰國政府入面隱藏o左香港o既特務。但又每架只接得o個幾十人。唔通香港政府包得幾部小型滑翔機~!?無理由丫...佢地又話唔夠位停機咖...

(閱讀全文)

香港問題淺談：傳媒、政府、新一代

trouble_place — Mon, 07 Jul 2008 23:46:20 +0800

教科書話，報章、雜誌、電視、電台以及互聯網等等一切傳播媒介，具有作為政府以及人民o既橋樑去互相傳遞訊息以及監察政府言行舉止o既功能。但雞蛋同友人就覺得，香港o既傳媒已經忘記左呢兩個主要功能。當中以報章最為奇怪。因為雜誌都仲話為求銷量而刊登淫照，但報紙就唔知點解好似係想唱衰香港咁o既。大字標題傳遞香港o既不利因素，直頭有引起公眾不安，甚至顛覆國家之嫌。

難怪當年報紙大力反對23條。因為假如真係立左法的話，丫你老總仲唔有得震無得訓...

(閱讀全文)

5月2日全力支持聖火禁令

trouble_place — Thu, 01 May 2008 22:29:56 +0800

早兩日4月29日，雞蛋就因為考mid-term exam時俾幾條MC嚇親，唔係幾開心。不過好在之後上網睇新聞，即刻俾香港政府tum返。話說沙田o既民政事務專員就晌聖火路線沿途o既市民發信，呼籲屋苑要保持清潔(咁呢個就好合理丫)....同埋...唔好晌外牆晾曬衣服，以免有礙觀瞻。拿，就好明顯，提出意見者一定係個白痴；而決定以「有礙觀瞻」作為「唔好晌外牆晾曬衣服」o既理由o既人就一定係個女人...

(閱讀全文)

最令人無奈的香港文化

trouble_place — Fri, 14 Mar 2008 08:13:05 +0800

香港人一直俾人o既感覺係：聰明、有智慧(兩者不盡相同。雞蛋一位哲學科老師將聰明稱之為「轉數快」，有智慧為之「顧慮周詳深遠」。)但不知何故，可能係聖嬰現象影響，又可能係厄爾尼諾現象影響，小弟發覺原來香港o既高官往往都會比一般人蠢。好耐之前有前廣播署長朱培慶以為CoCo可以令到佢隱影；每到夏天有天文台台長林超英出o黎講解邊個邊個位無風，所以其他地方吹到打杖咁都只係掛3號波；早前就有一哥特警成同佢副手o既「藏有淫照違法論」同「朋友論」；近日o既主角就有食物及衛生局長周一嶽...

(閱讀全文)

應把普選看作練習賽(下)

trouble_place — Wed, 05 Dec 2007 23:39:49 +0800

晌補選呢場練兵味道濃厚o既賽事入面，並唔係話陳太勝出唔好。陳太勝出都好，不過如果陳太無參賽會仲好咁解囉。凡事有好有壞，假若陳方安生無參選，而葉劉勝出的話，可能對泛民o黎講好處會更多...

(閱讀全文)

應把補選看作練習賽(上)

trouble_place — Tue, 04 Dec 2007 23:29:04 +0800

陳方安生於港島區立法會議席補選中勝出，廣大支持普選的市民及泛民主派熱烈慶祝。熱烈慶祝，非常之咁抽象o既四個字。而事實我地應該要有幾熱烈慶祝呢？小弟絕對係支持普選，熱愛自由民主以及極度關注基層人民生活(雞蛋絕對係基層中o既基層)。但陳太當選，小弟並未有開香檳、燒炮仗同埋放煙花，因為陳太當選對民生有幾大幫助，雞蛋實在係非常懷疑。

(閱讀全文)

從禁Tee到深層思維

trouble_place — Fri, 02 Nov 2007 20:05:21 +0800

一件模稜兩可o既 Tee，近日成為熱哄哄的話題。警方認為G.O.D. 某一款Tee上文字意指三合會幫派，有助長黑社會氣焰之嫌。G.O.D. 市場經理則謂文字所說為「14K金」。社會各界立即彷如包公上身，急著對此案下定論。有指G.O.D. 詭辯，文字本意壓根兒就是向著三合會社團。但次文化堂社長卻認為警方此舉為阻礙創作自由。亦有律師聲稱如物品上字眼及讀音令人聯想到與三合會有闔即可構成罪行。

雞蛋並不關心究竟G.O.D. 會否被入罪，但卻有兩個問題。

(閱讀全文)

紮鐵工，努力呀~!

trouble_place — Wed, 05 Sep 2007 21:52:57 +0800

擾攘一整月o既紮鐵工風波，近日不但未有解決跡象，更加擴散到國際層面，招來外地傳媒採訪。而澳門o既工人，英國、澳洲o既工會更加專誠到港聲援。

" That's a small step for 紮鐵工, one giant leap for 香港o既一眾奴工 "。爭少少咋，捱埋落去呀紮鐵工人~!

(閱讀全文)

馬力的苦心

trouble_place — Thu, 17 May 2007 04:16:56 +0800

如果大家呢幾日去鵝頸橋底，相信不難發現原來馬力一躍成鵝頸橋底為風雲打小人對象~!原因係馬力發表左一D令大部份人不齒o既言論~!據明報報導，馬力所講o既說話節錄自如下：

「(六四事件)不應該說共產黨屠殺、屠城... ...如果是屠城，柴玲(六四學運領袖)怎能在六四凌晨平安離開？... ...(如果屠城)呢條友第一個便被殺了！侯德健、封從德等人怎能慢慢離開？如果是屠城，4000名學生全都死光了！」

馬力批評，現時不少教師將六四形容為「屠城」、血流成河，是不負責任的說話... ...他建議特區政府應就六四事件「定調」，並把當年和現今的評論、官方說法都列舉出來，以免教師各自表述。「有些事情就應該由政府去決定，不是給老師自己講！(記者：那不是干預言論自由嗎？)言論自由也要基於事實，不能『亂咁講』！」

(閱讀全文)

錢從何來~!?從何去~!?

trouble_place — Sat, 21 Apr 2007 00:57:26 +0800

政府真係越o黎越有錢~!審計署日前就例出一系列「混帳」，指出政府部門豪氣萬千，視錢財如流水、使費如倒水、理財如石灰水(混濁不清)，牽涉金額高達一億。係有錢，但特首成日問錢從何來，你地政府部門用之前都要考慮下咖嘛~!

(閱讀全文)

大會馬後炮第二回 -- 題問篇

trouble_place — Sat, 17 Mar 2007 18:45:34 +0800

「士別三日，刮目相看」就無兩位準特首份喇，不過明顯地兩個人都有進步。講緊o既唔係佢地o既表情、神態、聲線等等...而係佢地臨場o既應變同埋準備功夫。因為，當然啦，就算我話佢地演說水平直逼Al Gore，你都唔會信啦 ... 戈爾邊有可能無啦啦啞左喎！

(閱讀全文)

答問大會馬後炮

trouble_place — Tue, 06 Mar 2007 20:28:11 +0800

萬眾期待o既特首選舉答問大會晌數日前順利上演。兩位特首候選人晌廣大觀眾面前針鋒相對、各不相讓，為特首寶座使盡渾身解數。結果當然令大部份港人「目瞪口呆」、「氣」出望外啦...

作為香港一份子o既我，無辦法唔「呆」同「氣」... 因為你真係好難想像一個特首同一個大律師，晌一個咁重要o既論壇上面o既表現係如此不堪入目。睇完之後，小弟腦海只浮現出八個字：丟人現眼，貽笑大方。

(閱讀全文)

內地孕婦爭瘋Show~

trouble_place — Fri, 02 Feb 2007 11:26:40 +0800

好耐無睇報紙、新聞...一睇，我呆左。因為當你睇完內地孕婦o既行為說話之後，真係唔知俾D乜反應好。雖然內容大概都係圍繞「點解唔俾佢地去香港生仔呀?」、「點解阿爸係香港人又唔俾佢地一家團聚呀?」等等耳熟能詳o既o野....但，佢地o既言論真係比黃子華o既Talk Show更加具吸引力。

就有少少分別...黃子華o既Talk Show每次都有唔同主題，而佢地o既Show就次次都一樣主題。兩者同樣精彩~!

(閱讀全文)